У вайны не жаночы твар
Святлана Алексіевіч «У вайны не жаночы твар» — адна з самых вядомых у свеце кніг пра вайну лаўрэата Нобелеўскай прэміі па літаратуры.
«У вайны не жаночы твар» — досвед унікальнага пранікнення ў духоўны свет жанчыны, якая выжывае ў нечалавечых умовах вайны. Перад вамі апошняя аўтарская рэдакцыя кнігі: пісьменніца, у адпаведнасці са сваім творчым метадам, дапрацавала кнігу, прыбрала цэнзурную праўку, дадала новыя эпізоды, дапоўніла жаночыя споведзі старонкамі ўласнага дзённіка, які яна вяла на працягу сямі гадоў працы над кнігай.
«За шматгалосую творчасць — помнік пакутам і мужнасці ў наш час» Святлана Алексіевіч атрымала ў 2015 годзе Нобелеўскую прэмію па літаратуры. Кніга была перакладзеная больш чым на дваццаць моў, уключаная ў школьныя і ўніверсітэцкія праграмы ў многіх краінах, атрымала некалькі прэстыжных прэмій: прэмія Рышарда Капушчынскага (2011) за лепшы твор у жанры рэпартажу, прэмія Angelus (2010) і іншыя.
Крыніца: Камунікат
Агучка 1
Дакументальна-мастацкая хроніка «Галасы Утопіі» — пяць кніг, у якіх «маленькі чалавек» сам апавядае пра свой лёс. Гэта адметны жанр — шматгалосыя раманы-споведзі, у якіх з малых падзей складваецца вялікая гісторыя. Перад слухачом — апошняя аўтарская рэдакцыя цыкла ў найноўшым беларускім перакладзе. Пісьменніца паводле свайго творчага метаду дапрацавала хроніку: скасавала цэнзурныя праўкі, далучыла новыя эпізоды, а таксама старонкі з уласнага дзённіка.
Музыка: Дмітрый Фрыга
Гукарэжысёры: Павел Сініла, Дзмітрый Фрыга
Крыніца: ЛитРес
