Надвор’е, якое пакрыўдзілася

Гэта зборнік казак, якія здабылі свой голас і пераўтварыліся з напісаных слоў у дзівосныя гукі. Часам вясёлыя, часам дзіўныя казкі пра прыгоды не звычайных герояў. Тут можна сустрэць тых, хто баіцца, хто хітруе, хто марыць, хто шукае сяброўства і сваё месца ў свеце.

Героі гэтых гісторый не заўсёды самыя моцныя і смелыя – але менавіта таму яны такія блізкія. Яны памыляюцца, сварацца, дапамагаюць адно аднаму і паступова адкрываюць простыя рэчы: што сяброўства важнейшае за перамогу, што слабасць не заўсёды азначае бездапаможнасць.

Казкі для дзяцей – але і для дарослых, якія яшчэ не перасталі марыць, глядзець на свет вялікімі вачыма і верыць, што цуд можа здарыцца зусім побач.

Стварэнне аўдыяверсіі сталася магчымым дзякуючы беларусам і беларускам штата Вашынгтон.

Рэдактарка: Наста Кахан
Вокладка: Паша, 7 гадоў
Музыка: Алег Удалееў
Чытае: Аляксандр Ждановіч
0+